မှတ်ပုံမတင်သော မှောင်ခိုဆေးဝါးများ

မြန်မာနိုင်ငံတွင် မှောင်ခိုဆေးများနယ်စပ်ဒေသများမှတစ်ဆင့်အများအပြားဝင်ရောက်နေကြောင်း၎င်းဆေးများမှာ မြန်မာနိုင်ငံတွင်အစားအစာနှင့်ဆေးဝါးစစ်ဆေးရေးဌာနမှစစ်ဆေးပြီးတရားဝင်မှတ်ပုံတင်ထားသော ဆေးဝါးများမဟုတ်ခြင်းကြောင့်စားသုံးသူများကိုလည်းအန္တရာယ်ဖြစ်စေနိုင်ကြောင်း၊ထို့ကြောင့်မှတ်ပုံမတင်သော မှောင်ခိုဆေးများကိစ္စမှာ ပြည်သူလူထု၏ကျန်းမာရေးစောင့်ရှောက်မှုလုပ်ငန်းစဉ်တွင် ခြိမ်းခြောက်လျက်ရှိသောအချက်တစ်ချက်ဖြစ် ကြောင်း ဆေးကုန်သည်လောကမှ ဝေဖန်ပြောကြားလျက်ရှိပါသည်။ထိုသို့သောမှတ်ပုံမတင်သည့် မှောင်ခိုဆေးများပိုမိုကျယ်ပြန့်သည့်ဈေးကွက် ဖြစ်ပေါ်မလာစေရေးတာဝန်ရှိသည့်ဌာနများပူးပေါင်းဆောင်ရွက်ရန်သင့်ကြောင်း၊၄င်းတို့ကဆန္ဒရှိကြောင်းသိရှိရပါသည်။

အမေရိကန်ငရုတ်ပွများ မြန်မာ့ငရုတ်ပွနေရာကို ယူတော့မှာလား

ယခုအခါရှမ်းပြည်နယ်တောင်ပိုင်းတွင်အမေရိကန်ငရုတ်ပွမျိုးများစိုက်ပျိုးထုတ်လုပ်လျက်ရှိရာ အောင်မြင်စွာ ဖြစ်ထွန်းနေပြီးအမြင်လှခြင်း၊ ဈေးသင့်ခြင်း၊ကြာရှည်ခံခြင်းတို့ကြောင့် ဈေးကွက်တွင်မျက်နှာပန်းလှလျက်ရှိကြောင်းသိရှိရပါသည်။သို့ရာတွင်စိုက်ပျိုးရေးသမားအချို့ကလည်းအမေရိကန်ငရုတ်ပွများသည်မျိုးရိုးဗီဇပြုပြင်ထားသောလယ်ယာထွက်ကုန်အမျိုးအစားများဟုတ်/မဟုတ်  သေချာအောင်စစ်ဆေးသင့်ကြောင်း၊ထိုကဲ့သို့သောထွက်ကုန်ပစ္စည်း ဖြစ်နေပါက မြန်မာနိုင်ငံတွင်မျိုးရိုးဗီဇပြုပြင်ထားသောလယ်ယာထွက်ကုန်များနှင့်ပတ်သက်ပြီးဗဟုသုတနည်းပါးသေးသည့်အတွက် ပြည်သူလူထုစားသုံးရာတွင်အန္တရာယ် ဖြစ်/မဖြစ်ကိုစနစ်တကျထပ်မံလေ့လာသုံးသပ်ရန်သင့်ကြောင်း ဝေဖန်ပြောကြားကြကြောင်းသိရှိရပါသည်။